خانە کتاب كُردی
بانگەوازی زانستیی دووەمین فێستیڤاڵوو سیاوچەمانەی، سەڵواوا ، پاییزوو ۱۴۰۵ی ڕۆجیاری
ستافوو زانستیی سیاوچەمانەی جە پەیجۆرکارا، نویسەرا و خۆندٚکارەکا، داوا کەرۆ بە وتاری زانستی و ئاکادێمیانە بەشداریی فێستیواڵوو سیاوچەمانەی کەرا و شۆڵێ وزا سەروو سووچە مادی و ڕۆحییەکاو ئی سامانە دێرینەیە و ئەزموونە تاقێقیەکاشا، سەروو ئا تەوەرا کە وزیانە ڕوە، کیانا پەی دەبیرخانەو فێستیڤاڵی:
۱٫ فەرهەنگ و خەڵک شناسی
(Anthropology & Culture)
ئەلف- دیاردەشناسی ساختاریی مۆسیقاو هەورامانی بە تەوەروو سیاوچەمانەی(وردەبەزمێ، چەپڵێ، خاوێ، شێخانێ و…) و ئەوەوانای بەراوردکارانەی ئاواییشا چنی ژیوْجەهانیی هەورامی.
ب- ئوستوورە شناسی: شۆنەماو ئوستوورە کۆنەکا جە مێلۆدی و دەقەکاو سیاوچەمانەینە.
ج- کولتووری جەماوەری و ئایینەکا: ڕۆڵوو ئاوازوو سیاوچەمانەی جە ویەروو ڕا و ڕەسمی ئایینی، تازیەباری و کەرنەڤاڵەمەحاڵیەکانە.
د- مدرامانی فەرهەنگی: ڕۆڵوو مۆسیقاو سیاوچەمانەی جە پارێزنای شوناس و یۆگێرتەیو گلێرگەی و وەرانوەریی هێژموونی مودێڕنیتەینە.
۲٫ مۆسیقا و ئێتنۆمۆزیکۆلۆژیا (Music & Ethnomusicology):
ئەلف- شیکاری ساختاری: تاوتۆو مەوداکا، مەقام و بەستەکا و تکنیکوو نویستەی سیاوچەمانەینە به بەراورد چنی مەقام و بەستە کوردییەکایتەری.
ب- ئەوەفاڕیای پارادایمیکی: سیاوچەمانەو کویسانیوە پەی مۆسیقای ئۆستۆدیۆیی؛ شیکاری ئەوەفاڕیایی ساختاریش چی دمایین سەدەنە.
ج- ئاواز شناسی و پێوەندیش چنی گڵوێ و بینواردەیۆ: ئەوەوانای فیزیۆلۆژی ئاوازی و پێوەندیش چنی جوغرافیاو کویسانی.
د- بەراوردی مۆسیقایی: ئەوەوانای خاڵە جیاواز و هامبەشەکاو ئاوازوو سیاوچەمانەی چنی “هۆرە”ی و “موور”ی.
۳٫ زوان، ئەدەبیات و زەریف شناسیی سیاوچەمانەی:
ئەلف- کاردەوەژێ شیعرەکا. شیکەردەیەو پەیلوا عێرفانییەکا، حەزانەشێعرێ(تغزلی) و سروشتوازی چا دەقانە.
ب- زوان شناسی: هۆرسەنگنای تایبەتمەندییەکاو دەمواچیی هەورامی جە دەقەکاو سیاوچەمانەینە.
ج- وێنەنەخشنای: شیکاریی بووتیقایی وێنە، ئیماژە سروشتوازانەکێ جە شیعرەی کلاسیک و هامچەرخی هەورامینە.
د- زەریف شناسیی ئیجرایی: چە پەیوەندیێوی زەمانی و مەکانی هەن بەینوو زەریف شناسی و عالتەر ئیجراکەردەی سیاوچەمانەینە.
۴٫ ئەوەوانایو فەرهەنگی و گەشەپەنەدای(Cultural Studies):
ئەلف- مۆسیقاو سیاوچەمانەی و گەشتیاری: ڕۆڵوو ڕوەدای هونەرییەکا جە گەشەپەنەدایێوی سەقامگێرتە و بەردەامیی ئابووریی فەرهەنگیی مەحاڵوو هەورامانینە.
ب- دیپلۆماسیی فەرهەنگی و بەراوردکاری: شۆنەماو مۆسیقیی سیاوچەمانەی چنی موناسێباتی فەرهەنگیی هەرێموو کوردستانوو عێراقی و مەحاڵە کوردییەکاو ئێرانی.
ج- میدیا و ئەرمانای: ڕەخنە و هۆرسەنگنای و شێوەو ئەرمانای مۆسیقاو هەورامانی جە میدیا و تۆڕە گلێرگەییەکانە.
د- سەبتی جەهانی و کەلەپووری نادیار: هەوڵێ پەی قەدٚرزانای و پارێزنایو سیاوچەمانەی جە کونوانسیۆنەکاو یۆنسکۆینە.
👇🏽 چن خاڵێ پێوەندیی چنی ڕەوشوو نویستەی و کیاستەی وتارەکانە:
– پەنەوازەن وتارەکێ چوارچێوەی زانستیی- تاقێقیشا بۆ، پێسە: چکیارەو وتاری، کرێڵ واتێ، وەڵێنە، ڕەوش تاقێق، ساختار، دماینە و سەرچەمێ.
– وتارەکێ با زیاتەر جە ۳ هەزار کەلیمێ نەبا.
– بە فایلی (word) و فۆنتی یۆنیکورد گۆران تایپ بکریا و شێوەشا (APA) بۆ.
– کومیتەی زانستیی فێستیڤاڵی پەی ئا وتارانە کە بە میتۆدۆلۆژی ڕەخنە و تیۆری خێزیانە، ئێمتیازی تایبەت وەرەچەم گێریۆنە.
– دماتەر وتارە پەسەند کریاکێ فێستیڤاڵی، کتێبێوەنە پێسە کۆوتارێ فێستیڤاڵوو سیاوچەمانەی چاپ و وەڵا کریاوە.
– پی ئیمەیلەیە: (Festival2726@gmail.com)
ئایدی تێلێگرامیە: (@Hozanhawramy)، وتارەکاتا تا تارێخوو(۱۴۰۵/۶/۳۱ ش و
۲۲⁄ ۹⁄ ۲۰۲۶ ز)، کیاندێ پەی دەبیرخانەو فێستیواڵوو سیاوچەمانەی.
سەڵواوا، ئیدارەو ئیرشادی.
(ک،پ: ۶۶۷۸۱۱۳۸۸۳)
شمارەو پەیوەندیی: (۰۹۱۸۸۷۶۶۰۳۴)
دەبیرخانەو دووەمین فێستیڤاڵوو سیاوچەمانەی.
