خانە کتاب كُردی
ژمارەی نوێی وەرزنامەی زمانەوانی دەرچوو
ژمارەی ۴ ی گۆڤاری وەرزنامەی زمانەوانی كە دەزگای زمانەوانیی كوردی زانكۆی جیهان – سلێمانی دەریدەكات، بە كۆمەڵێك بابەتی هەمەڕەنگ و هەمە جۆر كەوتە بەر دیدی خوێنەران.
لەم ژمارەیەدا چەندین بابەتی پەیوەندیدار بە زمانی كوردی لەوانە، رۆڵی شێوەزارەكان لە بونیادنانی زمانی یەكگرتوودا، دۆخی زمانە كوردییەكان یان شێوەزارە كوردییەكان، یەكگرتنەوەی زار و شێوەزارە كوردییەكان لە پلانێكی زمانی درێژخایەن و بەردەوام، لەبری بیركردنەوە لە زمانی یەكگرتوو پێویستمان بە پلانی زمانی هەیە، رەوشی ستانداردی زمانی كوردی، مێژوو و دابەشبوونی زمانی كوردی، فرەجۆری زمانیی لە ئاستانەی زمانی ستاندارددا، ترس یان شەرم، رێكارە گرنگەكانی هاوسەنگكردن لەنێوان بەرەوپێشبردنی زمانی یەكگرتوو، فرەزاری و رۆڵی لە بونیادنانی فەرهەنگی زمانی یەكگرتوو، بڵاوبوونەوەی شێوەزارەكانی زمانی كوردی، مەرگی زمانیی و … هتد.
